Home  
    Mayor  
    Deputy Mayor  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  میئر کراچی وسیم اختر نے باغ ابن قاسم میں گل مہر کا 15 فٹ اونچا درخت لگا کر شجرکاری مہم کے آغاز کیا-  
     
  17-Feb-2019  
     
   
     
  میئر کراچی وسیم اختر نے کہا ہے کہ کراچی میں ماحولیاتی آلودگی پر کنٹرول پانے کے لئے 2 کروڑ سے زیادہ قدیم نسل اور روایتی درختوں کی ضرورت ہے، بلدیہ عظمیٰ کراچی ایک لاکھ پودے لگانے کے ہدف کو چند ماہ میں پورا کرے گی تاہم عوام کی شمولیت کے بغیر 2 کروڑ کا ہدف پورا کرنے میں وقت لگے گا، کراچی کے پارکوں میں 12 تا 15 فٹ بڑے درخت لگائے جارہے ہیں تاکہ شہریوں کو جلد فوائد حاصل ہوں، ان خیالات کا اظہار انہوں نے باغ ابن قاسم میں گل مہر کا 15 فٹ اونچا درخت لگا کر شجرکاری مہم کے آغاز کے موقع پر کیا، باغ ابن قاسم میں گل مور، کنجار ، تبوبیا، کیشا فیٹلو اور دیگر پھولدار درخت لگائے جا رہے ہیں، 12 تا 15 فٹ طویل لگائے جانے والے ان 300 درختوں پر رواں سال ہی پھول کھلیں گے جس سے باغ ابن قاسم کا ماحول بہت خوبصورت ہوگا، باغ رنگ برنگے پھولوں سے مزئین ہوگا، میئر کراچی وسیم اختر نے کہا کہ ہم نے پودوں کے بجائے درخت لگانا شروع کئے ہیں تاکہ جلد از جلد اس کے فوائد حاصل ہوں، پودے کو درخت بننے میں کئی سال درکار ہوں گے جبکہ لگائے جانے والے آج ہی درخت ہیں، انہوں نے کہا کہ باغ ابن قاسم کے بعد جھیل پارک ، ہل پارک سمیت دیگر پارکوں اور بڑی سڑکوں کے کناروں اور گرین بیلٹ میں بھی بڑے درخت لگائے جا رہے ہیں،انہوں نے اس موقع پر شہریوں سے اپیل کی کہ ہر شہری ایک درخت لگائے تو ہم شہر میں درختوں کی ضرورت کا ہدف بہت جلد پورا کرلیں گے، بلدیہ عظمیٰ کراچی 2 کروڑ درختوں کا ہدف تنہا پورا نہیں کرسکتی جس کی آج ضرورت ہے، میئر کراچی نے کہا کہ بلدیہ عظمیٰ کراچی کی جانب سے جاری گرین کراچی مہم میں ڈسٹرکٹ میونسپل کارپوریشنز ، کے ڈی اے سمیت دیگر شہری اداروں کو بھی شامل ہونا چاہئے جبکہ ہر شہری اپنے گھر کے سامنے صرف ایک درخت لگا کر اس کی حفاظت کرے اور اس کی نگہداشت کرے تو ہم بہت جلد کراچی کو سرسبز و شاداب شہر بنا سکیں گے، عوامی شرکت کے بغیر کوئی بھی مہم کامیاب نہیں ہوسکتی، ہم کراچی کے پارکوں اور بڑے کوریڈورز کو تو درخت سے بھر دیں گے مگر گلی، محلے کی سطح پر عوامی شرکت کے بغیر کامیابی ممکن نہیں اس لئے شہری اپنی گلی اور محلے میں درخت لگائیں۔  
     
     
   
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard