Home  
    Mayor  
    Deputy Mayor  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  میئر کراچی وسیم اختر نے شہر میں متوقع بارشوں اور طوفانی سمندری ہوائوں کی پیش گوئی کے باعث متعلقہ محکموں کے افسران و عملے کو الرٹ رہنے کی ہدایت کردی-  
     
  15-May-2019  
     
   
     
  میئر کراچی وسیم اختر نے شہر میں متوقع بارشوں اور طوفانی سمندری ہوائوں کی پیش گوئی کے باعث متعلقہ محکموں کے افسران و عملے کو الرٹ رہنے کی ہدایت کردی، محکمہ میڈیکل اینڈ ہیلتھ سروسز، فائربریگیڈ ، پارکس، میونسپل سروسز میں ایمرجنسی لگا کر تمام افسران و اہلکاروں کی چھٹیاں منسوخ کردی گئیں، انہوں نے ہدایت کی کہ تمام مشینری سمیت عملے کو فعال حالت میں رکھا جائے اور بارش کے دوران یا بعد کس بھی ایمرجنسی کی صورت میں فوری کام شروع کیا جائے تاکہ شہریوں کو کسی بھی ممکنہ دشواری سے بچایا جاسکے، انہوں نے کہا کہ بارشوں کے دوران کسی بھی شکایت کے لئے شہری اپنی شکایات1339پر بھی درج کرائیں، محکمہ میونسپل سروسز کو ہدایت کی کہ برساتی نالوں پر اسٹاف متعین کیا جائے کیونکہ بورڈ کچرا اٹھانے میں مکمل طور پر ناکام ہوچکا اور سالڈ ویسٹ سمیت بورڈ کی ناقص کارکردگی سے شہر کا تمام کچرا نالوں میں بھرا ہوا ہے، صفائی کے باوجود نالے مکمل صاف نہیں ہو رہے کیونکہ لاکھوں ٹن کچرا روزانہ کی بنیاد پر نالوں میں ڈالا جاتا ہے اور جہاں جہاں چوکنگ پوائنٹس ہیں ان پر مسلسل نظر رکھی جائے تاکہ برساتی نالوں کے اوور فلو ہونے سے اطراف کی آبادیوں کو محفوظ رکھا جاسکے، انہوں نے کہا کہ تمام انڈرپاسز میں نکاسی آب کا نظام بلارکاوٹ جاری رہنا چاہئے اور جہاں جہاں شکایات موصول ہوں وہاں فوری طور پر عملہ اور مشینری بھجوا کر انڈرپاسز کی اندرونی نکاسی آب کی لائنوں کو کلیئر کرایا جائے، انہوں نے کہاکہ ان علاقوں پر ترجیحی توجہ دی جائے جہاں ماضی میں برساتی پانی جمع رہنے کی شکایات موصول ہوتی رہی ہیں، توقع ہے کہ ادارہ فراہمی و نکاسی آب حالیہ بارشوں کے بعد شہر میں پائی جانے والی صورتحال کے پیش نظر ایسے اقدامات کرے گا جن سے فراہمی و نکاسی آ ب کی لائنوں سے رسائو اور سیوریج لائنوں کے چوک ہونے کی وجہ سے اوور فلو روکا جاسکے کیونکہ برساتی پانی سے زیادہ سیوریج کا پانی کھڑا ہونے سے جراثیم اور بیماریاں پھیلنے کا خطرہ رہتا ہے ، میئر کراچی نے کہا کہ شہریوں کا بھی یہ فرض ہے کہ وہ برساتی نالو ںمیں کچرا پھینکنے سے گریز کریں اور ان کے اوپر قائم کی گئیں تجاوزات رضاکارانہ طور پر ختم کردیں ، میئر کراچی نے ہدایت کی کہ محکمہ موسمیات کی پیش گوئی کو مد نظر رکھتے ہوئے بلدیہ عظمیٰ کراچی کے تمام متعلقہ محکمے چوکس حالت میں رہیں اور شہر کے کسی بھی علاقے سے ملنے والی شکایات پر فوری اقدامات کو یقینی بنایا جائے۔  
     
     
   
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard