Home  
    Mayor  
    Deputy Mayor  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  قائم مقام میئر کراچی سید ارشد حسن نے کہا ہے کہ بلدیہ عظمیٰ کراچی شہر میں کسی بھی جگہ مویشی منڈیاں قائم کرنے کی اجازت جاری نہیں کرے گی-  
     
  19-Jul-2019  
     
   
     
  قائم مقام میئر کراچی سید ارشد حسن نے کہا ہے کہ بلدیہ عظمیٰ کراچی شہر میں کسی بھی جگہ مویشی منڈیاں قائم کرنے کی اجازت جاری نہیں کرے گی، کراچی کی انتظامیہ کی جانب سے 8 مقامات کے علاوہ اگر کہیں مویشی منڈیاں قائم کی گئیں تو ان کے خلاف سخت کارروائی کی جائے گی، ان خیالات کا اظہار انہوں نے جمعہ کو اپنے دفتر میں عیدالاضحی کے موقع پر شہر میں قائم کی جانے والی غیرقانونی مویشی منڈیوں کے حوالے سے منعقدہ ایک اجلاس سے خطاب کرتے ہوئے کیا، اس موقع پر چیئرمین کچی آبادی کمیٹی سعد بن جعفر، سینئر ڈائریکٹر ویٹرنری جمیل فاروقی، سینئر ڈائریکٹر اینٹی انکروچمنٹ بشیر صدیقی، ڈائریکٹر لینڈ شیخ کمال احمد، ڈائریکٹر سٹی وارڈن راجہ رستم، ڈائریکٹر اسٹیٹ عمران قدیر، ڈائریکٹر اے اینڈ اے عمران احمد سمیت دیگر افسران بھی موجود تھے، قائم مقام میئر کراچی نے کہا کہ شہر میں کچرے کی خراب صورتحال، متوقع بارشوں اور بیرون کراچی سے لائے جانے والے مویشیوں میں کانگو وائرس کے خطرے کے پیش نظر کسی بھی صورت میں مین شاہراہوں ، سڑکوں، گلیوں اور رہائشی علاقوں میں مویشی منڈیاں قائم کرنے کی اجازت نہیں دی جاسکتی کیونکہ ان مویشی منڈیوں کے قیام سے شہر میں گندگی پھیلنے سے شہریوں کی صحت کو خطرات لاحق ہوسکتے ہیں جبکہ دوسری جانب ٹریفک کا نظام بھی درہم برہم ہوجاتا ہے جس سے شہریوں کو مشکلا ت کا سامنا کرنا پڑتا ہے لہٰذا اگر بلااجازت کسی بھی مقام پرمویشی منڈی قائم کی جائے تو محکمہ ویٹرنری سروسز ، محکمہ انسداد تجاوزات، محکمہ لینڈ سمیت دیگر محکمے مشترکہ لائحہ عمل اختیار کرتے ہوئے ٹاسک فورس تشکیل دیں اور جگہ جگہ مویشی منڈی قائم کرنے والوں کے خلاف بھرپور کارروائی کرتے ہوئے نہ صرف جرمانے عائد کئے جائیں اور سٹی وارڈنزکے تعاون سے انہیں وہاں سے ہٹا دیا جائے۔انہوںنے کہا کہ کراچی کی انتظامیہ کی جانب سے 8 مقامات میں سے 3 مقامات مواچھ گوٹھ، لانڈھی اور ملیر میں قائم کی جانے والی مویشی منڈیاں بلدیہ عظمیٰ کراچی کی زمین پر قائم کی جاتی ہیں لہٰذا ان مقامامات پر قائم کی جانے والی مویشی منڈیوں کے بیوپاریوں کو باقاعدہ چالان جاری کئے جائیں جہاں قربانی کے جانوروں کا معائنہ اور ویکسی نیشن کرکے سرٹیفکیٹ جاری کئے جائیں تاکہ بلدیہ عظمیٰ کراچی کے ریونیو میں اضافہ ہوسکے، قائم مقام میئر کراچی نے ہدایت کی کہ مویشی منڈیوں کے خلاف کی جانے والی کارروائی کے دوران اگر کسی قسم کی مزاحمت کا سامنا ہو تو انتظامیہ اور پولیس سے مدد لی جائے۔  
     
     
 
News Photo Gallery
 
 
 
 
 
 
 
 
 

 
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard