Home  
    Mayor  
    Deputy Mayor  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  وفاقی وزیر پورٹ اینڈ شپنگ علی زیدی، میئر کراچی وسیم اختر اورڈپٹی میئر ارشد حسن نے ہفتہ کو بارش کے بعد شہر کی صورتحال کا جائزہ لینے اور نالوں کی صفائی کا معائنہ کرنے کے لئے شہر کا 5 گھنٹے سے زائد طویل دورہ کیا۔  
     
  10-Aug-2019  
     
   
     
  وفاقی وزیر پورٹ اینڈ شپنگ علی زیدی، میئر کراچی وسیم اختر اورڈپٹی میئر ارشد حسن نے ہفتہ کو بارش کے بعد شہر کی صورتحال کا جائزہ لینے اور نالوں کی صفائی کا معائنہ کرنے کے لئے شہر کا 5 گھنٹے سے زائد طویل دورہ کیا۔ انہوں نے ہجرت کالونی، پی آئی ڈی سی، قیوم آباد، منظور کالونی، محمود آباد، ایڈمن سوسائٹی، بلوچ کالونی، کورنگی، لانڈھی، شاہ فیصل شارع فیصل اسٹار گیٹ، گلستان جوہر، یونیورسٹی روڈ گلشن اقبال، سہراب گوٹھ، سرجانی ٹاون گودرہ، نیو کراچی،سخی حسن ناظم آباد، نارتھ ناظم آباد، اورنگی ٹاون اور دیگر علاقوں کا دورہ کیا۔مختلف جگہوں پر میڈیا سے بات چیت کرتے ہوئے وفاقی وزیر علی زیدی نے کہا کہ کراچی میں وفاقی حکومت کے اشتراک سے جو صفائی مہم کا آغاز ہوا ہے اس میں خاصی کامیابی ہوئی۔ کئی نالوں پر صفائی کا کام بروقت شروع ہونے سے اس بارش میں پانی کی نکاسی میں بہتری آئی ہے۔گجر نالے کو گہرائی تک صاف کیا جا رہا ہے یہ وہاں کے مکین بھی کہہ رہے ہیں۔ محمود آباد،کورنگی اور شہر کے متعدد نالوں کی صفائی کا کام جاری ہے۔انہوں نے کہا کہ اب یہ مہم کسی سرکاری ادارے کی نہیں بلکہ کراچی کے شہریوں کی بن چکی ہم نے اس شہر کو مل کر صاف کرنا ہے۔ ایک سوال کے جواب میں وفاقی وزیر نے کہا کہ کوئی بھی شہری صفائی مہم کے نام سے کسی کو چندہ نہ دے۔ انہوں نے کہا کہ میئر کراچی وسیم اختر اور ڈپٹی مئیر کراچی ارشد حسن کا کا شکریہ ادا کرتا ہوں کہ ہم سب مل کر شہر میں صفائی مہم چلا رہے ہیں۔انہوں نے کہا کہ ہجرت کالونی نالہ زیادہ خراب پوزیشن میں ہے یہ کے پی ٹی کی زمین ہے 30 اگست سے قبل کے پی ٹی اس کو مکمل صاف کرے گی۔ انہوں نے کہا کہ اس مہم میں وفاق مکمل شامل ہے کابینہ اجلاس میں اس پر تفصیل سے بریفنگ دی گئی۔ انہوں نے کہا کہ مودی کشمیر میں ہولوکاسٹ دھراناچاہتا ہے۔ پاکستان کے عوام اور حکومت کشمیریوں کے ساتھ ہے۔ مئیر کراچی وسیم اختر نے کہا کہ گزشتہ بارشوں کے تجربہ سے فائدہ اٹھاتے ہوئے بہتر حفاظتی اتنظامات کئے ہیں۔ صوبائی حکومت کے عدم تعاون کے باعث وفاقی حکومت سے تعاون کی درخواست کی کیونکہ یہ شہر کا مسئلہ ہے۔ کے ایم سی ان وسائل میں یہ کام کر نہیں سکتی اور صوبائی حکومت وسائل دینے کے لئے تیار نہیں۔ میرے پاس اس کے علاوہ کوئی آپشن نہیں تھا۔انہوں نے کہا کہ اداروں کے درمیان رابطہ ہے صفائی کا کام شروع کیا ہے جاری رہے گا مشترکہ کوشش ہے کہ شہر صاف ہو۔ہمارے پاس جو مشینری ہے وہ سڑک پر ہے۔پی ڈی ایم مزید مشینری دے ہماری مدد کرے۔ انہوں نے کہا کہ قربانی کی آلائشیں اٹھانا بنیادی طور پر ڈی ایم سی کی ذمہ داری ہے تاہم ہمارا ان کے ساتھ رابطہ ہے۔بہتر انتظامات کئے گئے ہیں۔  
     
     
   
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard