Home  
    Mayor  
    Deputy Mayor  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  میئر کراچی نے کہا کہ کراچی کے مسائل سے غفلت کر کے ہم ملک کے مسائل سے غفلت کر رہے ہیں کیونکہ کراچی کو ترقی دینا ملک کو ترقی دینے کے مترادف ہے۔  
     
  03-Nov-2019  
     
   
     
  میئر کراچی وسیم اختر نے کہا ہے کہ ایف بی آر کے سروے کے مطابق کراچی ساڑھے تین سو ارب روپے ٹیکس دینے کے باوجود یہاں کے شہریوں کے بنیادی مسائل حل کرنے پر کوئی توجہ نہیں دی جارہی جبکہ بلدیاتی اداروں کو اتنا مفلوج کر دیا گیا ہے کہ ان کے اختیارات ہی نہیں ہیں کہ وہ بنیادی مسائل حل کرنے کی پوزیشن میں ہوں لہٰذا وفاقی و صوبائی حکومت کو کراچی پر توجہ دینا چاہئے۔ان خیالات کا اظہار انہوں نے ہفتہ کو ایکسپو سینٹر میں کراچی یونیورسٹی کے محکمہ کامرس کے زیر اہتمام کراچی بزنس اینڈ مینجمنٹ کانفرنس سے خطاب کرتے ہوئے کیا۔ انہوں نے کہا کہ کہا کہ 148-Aکے تحت صوبوں نے بلدیاتی اداروں کو اختیارات منتقل کرنے ہیں مگر یہاں صوبوں نے تمام اختیارات اپنے پاس رکھے ہوئے ہیںجبکہ صوبہ بنیادی مسائل حل کرنے پر توجہ نہیں دے سکتا لہٰذا اٹھارویں ترمیم کا عوام کو کوئی فائدہ نہیں ہوا۔ انہوں نے کہا کہ کراچی کے تاجر بہت زیادہ ٹیکس دیتے ہیں مگر ان کے تجارتی علاقوں کی حالت بھی بہتر نہیں۔ این ایف سی ایوارڈ پر تو بہت زور دیا جاتا ہے مگر پی ایف سی نہیں ہو رہی تو کراچی کا حق کیسے ملے گا۔ انہوں نے کہا کہ سیوریج سمندر میں ڈال کر ہم ایک بڑی غلطی کر رہے ہیں۔ اگر حکومت توجہ نہیں دے رہی تو کراچی کے تاجر اور صنعت کار بھی اس طرف توجہ نہیں دے رہے۔ یہ افسوس کن امر ہے۔ انہوں نے کہا کہ کراچی کی تاجربرداری ملک میں سب سے زیادہ ریونیو دینے والے شہری ہیں ان کی ذمہ داری ہے کہ اپنے مسائل کے لئے آواز اٹھائیں۔ میئر کراچی نے کہا کہ کراچی کے مسائل سے غفلت کر کے ہم ملک کے مسائل سے غفلت کر رہے ہیں کیونکہ کراچی کو ترقی دینا ملک کو ترقی دینے کے مترادف ہے۔ کراچی میں ملک کے ہر حصے سے لوگ آباد ہیں۔ دو پورٹ اور بزنس حب ہے اس کو ترقی دے کر ملک کو معاشی مسائل سے نکال سکتے ہیں۔  
     
     
 
News Photo Gallery
 
 
 
 
 
 
 

 
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard