Home  
    Mayor  
    Deputy Mayor  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  ڈپٹی میئر کراچی سید ارشد حسن نے کہاہے کہ پاکستان کے آئین کے تحت سکھ برادری سمیت تمام اقلیتوں کو مذہبی آزادی اور تمام تر حقوق حاصل ہیں-  
     
  04-Nov-2019  
     
   
     
  ڈپٹی میئر کراچی سید ارشد حسن نے کہاہے کہ پاکستان کے آئین کے تحت سکھ برادری سمیت تمام اقلیتوں کو مذہبی آزادی اور تمام تر حقوق حاصل ہیں، بابا گرونانک کی تعلیمات دنیا بھر میں بسنے والی قومیتوں کے درمیان مذہبی روا داری، محبت، اخوت اور بھائی چارگی کا درس دیتی ہیں،12 نومبر سے باباگرونانک کے 550 ویں جنم دن کے حوالے سے کراچی میں سکھ برادری کے تحت منعقد ہونے والی تقریبات کے انعقاد میں بلدیہ عظمیٰ کراچی ہرممکن تعاون کرے گی، ان خیالات کا اظہار انہوں نے پیر کو اپنے دفتر میں پاکستان سکھ ویلفیئر کمیٹی کے صدر سردار امرسنگھ کی قیادت میں ملاقات کے لئے آنے والے ایک وفد سے بات چیت کے دوران کیا، اس موقع پر سٹی کونسل میں ایم کیو ایم (پاکستان) کے پارلیمانی لیڈر اسلم شاہ آفریدی اور وفد کے دیگر اراکین سردار راجندر سنگھ، سردار جیتا سنگھ، سٹی کونسلر سردار گر مکھ سنگھ، منور جان اور پطرس یوسف سمیت دیگر افراد بھی موجود تھے، ڈپٹی میئر کراچی نے بابا گرونانک کے جنم دن کی تقریبات کے انتظامات کے حوالے سے متعلقہ محکموں کو ہدایت دیتے ہوئے کہا کہ سکھ برادری کی مذہبی رسومات کی ادائیگی کے لئے گردواروں سمیت سکھ کمیونٹی کے رہائشی علاقوں میں بلدیاتی سہولیات کی فراہمی کے لئے اقدامات کئے جائیں اور گرد واروں کے قرب و جوار میں جہاں سڑکوں پر گڑھے وغیرہ ہیں وہاں پیچ ورک کاکام اور جہاں سیوریج کے مسائل ہیں وہاں صفائی ستھرائی کے کام ترجیحی بنیادوں پر کئے جائیں، اسٹریٹ لائٹس کی بحالی کے انتظامات سمیت گرد واروں کے قریب مذہبی رسومات کی ادائیگی کے دوران سٹی وارڈنز کو بھی تعینات کیا جائے، اس موقع پر سکھ کمیونٹی کے وفد نے ڈپٹی میئر کراچی کو گزارشات پیش کرتے ہوئے کہا کہ بلدیہ عظمیٰ کراچی کے دیگر ملازمین کی طرح سکھ ملازمین کے لئے بھی ننکانہ صاحب میں مذہبی رسومات کی ادائیگی میںشرکت کے لئے قرعہ اندازی کے ذریعہ ناموں کا انتخاب کرکے انہیں سہولیات اور فنڈز فراہم کئے جائیں، ڈپٹی میئر کراچی نے ان گزارشات پر عملدرآمد کے لئے اپنے ہرممکن تعاون کا یقین دلاتے ہوئے متعلقہ محکمہ سے رپورٹ طلب کرلی، سکھ کمیونٹی نے اس موقع پر ڈپٹی میئر کو بابا گرونانک کے جنم دن کی مناسبت سے 16 نومبر کو منعقد ہونے والی تقریب میں شرکت کے لئے دعوت نامہ بھی پیش کیا جسے ڈپٹی میئر کراچی نے قبول کرتے ہوئے اس میں شرکت کی یقین دہانی کرائی اور تقریب کے حوالے سے اپنی جانب سے ہر ممکن تعاون کا یقین دلایا۔  
     
     
 
News Photo Gallery
 
 
 
 
 
 
 
 
 
 
 

 
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard