Home  
    Mayor  
    Deputy Mayor  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  میئرکراچی وسیم اختر نے کہا ہے کہ پاکستان میں اقلیتوں کو مکمل مذہبی آزادی اور تمام حقوق حاصل ہیں ۔دیگر لوگوں کی طرح سکھ برادری بھی محب وطن برابری کی حق دار ہے-  
     
  11-Nov-2019  
     
   
     
  میئرکراچی وسیم اختر نے کہا ہے کہ پاکستان میں اقلیتوں کو مکمل مذہبی آزادی اور تمام حقوق حاصل ہیں ۔دیگر لوگوں کی طرح سکھ برادری بھی محب وطن برابری کی حق دار ہے، کراچی کی ترقی اور خوشحالی میں ان کا کردار بھی اہمیت کا حامل ہے، سکھ برادری کے مذہبی تہواروں میں شرکت کراچی کی قدیم روایت ہے جسے قائم رکھتے ہوئے سکھ برادری سے اظہار یکجہتی کے لئے بابا گرونانک کے 550 ویں جنم دن کے موقع پر نکالی جانے والی ریلی میں شہریوں کی جانب سے مجھ سمیت دیگر بلدیاتی نمائندے خصوصی طور پر شرکت کررہے ہیں، ان خیالات کا اظہار انہوں نے پیر کی شب باباگرونانک کے جنم دن کے موقع پر نکالی جانے والی ریلی میں شرکت کے بعد میڈیا کے نمائندوں سے بات چیت کرتے ہوئے کیا اس موقع پر میئر کراچی نے کہا کہ باباگرونانک کی امن و آشتی، صلح و احترام، مساوات اور رواداری کی تعلیمات کے باعث انہیں امن کا پیامبر کہا جاتا ہے اور دنیاکے دیگر مذاہب کی طرح مذہب اسلام کے پیروکار بھی انہیں عزت و احترام کی نظر سے دیکھتے ہیں۔ انہوں نے کہا کہ سکھ برادری کے لئے کرتارپور راہداری کی سہولت فراہم کرنا حکومت پاکستان کا مثبت اقدام ہے جس سے پاکستانی اور پڑوسی ملک کے عوام خصوصاً سکھ برادری کے درمیان دوستی اورہم آہنگی کو مزید فروغ حاصل ہوگا۔ میئر کراچی نے کہا کہ باباگرونانک کے 550 ویں جنم دن کی تقریبات کے لئے بلدیہ عظمیٰ کراچی کے تحت تمام ممکنہ اقدامات کئے گئے ہیں، شہر کے تمام گردواروں کے اردگرد صفائی ستھرائی کی صورتحال کو بہتر کیا گیا ہے جبکہ سیکورٹی کے لئے سٹی وارڈنز کو بھی تعینات کیا گیا ہے، سکھ برادری کی جانب سے نکالی جانے والی ریلی کے شرکاء کی گاڑیوں کے لئے کے ایم سی کی بلڈنگ میں پارکنگ کی سہولیات فراہم کی گئی ہے، سکھ برادری کے رہنماؤں نے میئر کراچی وسیم اختر کے لئے نیک خواہشات کا اظہار کرتے ہوئے کہا کہ ان کی خصوصی دلچسپی کے باعث سکھ برادری کے مذہبی تہواروں پر ہمیشہ کی طرح اس سال بھی بہترین انتظامات کئے گئے ہیں جس کے لئے ہم میئر کراچی کے شکر گزار ہیں، باباگرونانک کے جنم دن کے موقع پر نکالی جانے والی ریلی میں میئر کراچی کی شرکت ہمارے لئے باعث اعزاز ہے جس سے دوستی اور محبت کے جذبات کو مزید فروغ حاصل ہوگا۔  
     
     
 
News Photo Gallery
 
 
 
 
 
 
 
 
 
 
 

 
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard