Home  
    Mayor  
    Deputy Mayor  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  میئر کراچی وسیم اختر نے کراچی میں کورونا وائرس کی تصدیق کے بعد کے ایم سی کے اسپتالوں میں ایمرجنسی نافذ کردی ہے-  
     
  27-Feb-2020  
     
   
     
  میئر کراچی وسیم اختر نے کراچی میں کورونا وائرس کی تصدیق کے بعد کے ایم سی کے اسپتالوں میں ایمرجنسی نافذ کردی ہے ،انہوں نے اپنے ایک بیان میں کہا کہ شہری احتیاطی تدابیر اختیار کریں، ہجوم میں غیر ضروری طور پر جانے سے گریز کریں اور احتیاطی اقدام کے طور پر ماسک کا استعمال کریں، انہوں نے کہا کہ پاکستان سے ماسک کی غیرقانونی طریقے سے برآمدات کو فوری طور پر روکا جائے ، خدانخواستہ کورونا وائرس کی شدت میں اضافے کے باعث اگر بڑی تعداد میں ماسک کی ضرورت پیش آئی تو عوام کو مشکلات کا سامنا کرنا پڑے گا اور ماسک دستیاب نہ ہونے کے باعث شہریوں کو شدید خطرات لاحق ہوں گے انہوں نے کہا کہ غیرقانونی طور پر ماسک برآمد کرنے اور بڑی تعداد میں ذخیرہ اندوزی کے باعث شہر میں ماسک کی شدید قلت پیدا ہوگئی ہے جس کے باعث منافع خور من مانی قیمت پر ماسک فروخت کررہے ہیں، حکومت اور انتظامیہ اس مسئلے پر فوری توجہ دیتے ہوئے ذخیرہ اندوزوں کے خلاف کارروائی کرکے شہر میں ماسک کی فراہمی کو یقینی بنائے ، دریں اثناء میئر کراچی وسیم اختر کی ہدایت پر عمل کرتے ہوئے بلدیہ عظمیٰ کراچی کے تمام اسپتالوں کو ہائی الرٹ کردیا گیا ہے جبکہ عباسی شہید اسپتال ، سرفراز شہید اسپتال، لانڈھی میڈیکل کمپلیکس اور گذدرآباد اسپتال میں آئسولیشن وارڈز قائم کردیئے گئے ہیں، سینئر ڈائریکٹر میڈیکل اینڈ ہیلتھ سروسز ڈاکٹر سلمیٰ کوثر نے کے ایم سی کے تمام طبی اداروں کی انتظامیہ کو ہدایت کی ہے کہ اس سلسلے میں کسی بھی قسم کی صورتحال سے نمٹنے کے لئے تیار رہیں اور ڈاکٹرز اور پیرامیڈیکل اسٹاف کی اپنی ڈیوٹیوں پر موجودگی یقینی بنائیں، ہنگامی حالات کے دوران طبی عملے کی چھٹیاں منسوخ رہیں گی جبکہ فوکل پرسنز تمام تر انتظامات کے ہمراہ اسپتالوں میں کسی بھی ہنگامی صورتحال سے نمٹنے کے لئے تیار رہیں۔  
     
     
   
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard