Home  
    Mayor  
    Deputy Mayor  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  میئر کراچی وسیم اختر نے نشتر پارک میں منعقدہ مرکزی جشن مولود کعبہ کی تقریب سے خطاب کیا-  
     
  10-Mar-2020  
     
   
     
  میئر کراچی وسیم اختر نے کہا ہے کہ آج مسلم امہ متحد نہیں ہے اور انتشار کے باعث ہمیں دنیا بھر میں مسائل کا سامنا ہے، حکمراں حضرت علیؓ کی تعلیمات پر عمل کرکے مسائل سے نجات حاصل کرسکتے ہیں، یہ بات انہوں نے نشتر پارک میں منعقدہ مرکزی جشن مولود کعبہ کی تقریب سے خطاب کرتے ہوئے کہی، تقریب کا اہتمام جعفریہ الائنس پاکستان ڈسٹرکٹ ایسٹ نے کیا تھا، ضلع شرقی کے چیئرمین معید انور اور دیگر سیاسی پارٹیوں کے رہنما ، علمائے کرام ، مشائخ عظام، ذاکرین، دانشور، شعراء کرام کے علاوہ شہریوں کی ایک بڑی تعداد بھی موجود تھی، میئر کراچی وسیم اختر نے کہا کہ حضرت علی ؓ شجاعت و بہادری میں اپنی مثال آپ تھے، حضور اکرم ﷺ شہر علم ہیں اور حضرت علیؓ اس کا دروزہ ہیں ، جس سے محبت رسول خدا ﷺ کرے اس سے ہمیں بھی محبت کرنی چاہئے، جو سعادت حضرت علیؓ کو ملی وہ اور کسی کو حاصل نہیں، حضرت علیؓ کی شجاعت و سیرت کو اپنا کر ہم دنیا و آخرت میں سروخرو ہوسکتے ہیں، میئر کراچی نے کہا کہ کاش ہمارے حکمراں حضرت علیؓ کی زندگی کو اپناتے اور اس ڈگر پر پالیسی بناتے تو ہمیں آج جن مشکلات کا سامنا ہے وہ نہ ہوتا، ہمیں حضرت علیؓ جیسا لیڈر چاہئے، ابھی بھی وقت ہے کہ صاحب اقتدار طے کرلیں کہ ہم نے اپنے ملک و قوم کے لئے وہی پالیسی رکھنی ہے جو حضرت علیؓ نے اپنے دور خلافت میں رکھی تھی، انہوں نے کہا کہ آج کی اس تقریب میں شرکت کرکے میں فخر محسوس کر رہاہوں اور دعا گو ہوں کہ اللہ تعالیٰ اس شہر کو ترقی دے اور ہمیں درپیش مسائل سے نکالے، اس موقع پر تقریب سے مولانا اصغر درس، مولانا عون نقوی،مولانا تنویر الحق تھانوی، ڈاکٹر جواد زیدی ، باقر حسین زیدی اور مولانا رضی جعفر سمیت علمائے کرام اور مشائخ عظام نے خطاب کیا اور حضرت علیؓ کے کردار اور کارناموں پر روشنی ڈالی، اس موقع پر اسکائوٹس نے پریڈ کی اور جشن مولود کعبہ کی خوشی میں زبردست آتش بازی کا مظاہرہ کیا گیا، تقریب کے اختتام پر میئر کراچی وسیم اختر نے علمائے کرام اور مشائخ عظام کے ساتھ مل کر ولادت باسعادت حضرت علیؓ کا کیک کاٹا اور پوری مسلم امہ اور کراچی کے شہریوں کو جشن ولادت حضرت علیؓ کی مبارکباد پیش کی۔  
     
     
 
News Photo Gallery
 
 
 
 
 
 
 

 
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard