Home  
    Administrator  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  ایڈمنسٹریٹر کراچی افتخار علی شالوانی نے کہا ہے کہ صاف ستھرا اور سر سبز کراچی ہماری منزل ہے جسے پانے کے لئے ہم سب کو اپنے حصے کا کردار احسن طریقے سے نبھانا ہے  
     
  28-Sep-2020  
     
   
     
  ایڈمنسٹریٹر کراچی افتخار علی شالوانی نے کہا ہے کہ صاف ستھرا اور سر سبز کراچی ہماری منزل ہے جسے پانے کے لئے ہم سب کو اپنے حصے کا کردار احسن طریقے سے نبھانا ہے ، دنیا کے بڑے شہروں میں اربن فاریسٹ کا تجربہ نہایت کامیاب ثابت ہوا ہے جس نے فضائی آلودگی میں کمی کے ساتھ ساتھ ماحول کو خوشگوار بنانے میں نہایت اہم کردار ادا کیا ہے، کراچی میں انفرااسٹرکچر کو بہتر بنانے کی کوشش کر رہے ہیں اس حوالے سے جو بھی ادارہ کام کرے گا اسے خوش آمدید کہیں گے، ان خیالات کا اظہار انہوں نے این ای ڈی یونیورسٹی آف انجینئرنگ اینڈ ٹیکنالوجی کے نیشنل انکیوبیشن سینٹرمیں این جی او شہری اور دیگر اداروں کے زیر اہتمام منعقدہ پروگرام ’’کراچی گرین ہیکاتھون‘‘سے خطاب کرتے ہوئے کیا جس کا مقصد 2025ء تک کراچی کے 25 فیصد حصے کو سرسبز بنانا ہے ، ایڈمنسٹریٹر کراچی نے کہا کہ بڑے اور صنعتی شہروں میں فضائی آلودگی کے مسئلے سے نمٹنے کے لئے جہاں مختلف طریقے آزمائے جا رہے ہیں وہیں زیادہ سے زیادہ درخت لگا کر ماحول کو بہتر بنانے کی کوششیں بھی انتہائی مفید ثابت ہو رہی ہیں، ضرورت اس بات کی ہے کہ پہلے سے موجود درختوں کی حفاظت کی جائے اور اس کے ساتھ ساتھ مزید درخت لگائے جائیں اور اس کے لئے جہاںبھی جگہ دستیاب ہو شجرکاری کی جائے تاکہ شہر کا زیادہ سے زیادہ حصہ سرسبز اور شاداب دکھائی دے، ہمیں اپنی سڑکوں ، فٹ پاتھوں کو بھی خوبصورت اور سرسبز بنانا ہے، انہوں نے کہا کہ اس سلسلے میں ہمیں عوام الناس کو بھی متحرک کرنا چاہئے ، لوگوں میں اس کا شعور بیدار کرکے بہترین نتائج حاصل کئے جاسکتے ہیں، انہوں نے کہاکہ مشترکہ کوششیں کی جائیں تو کوئی بھی ہدف حاصل کرنا مشکل نہیں، 2025ء تک کراچی کے ایک چوتھائی حصے کو سرسبز بنانا ممکن ہے اگر ہم مل کر اس جانب جدوجہد کریں، انہوں نے کہا کہ بلدیہ عظمیٰ کراچی اس ضمن میں ہر ممکن مدد اور تعاون مہیا کرے گی تاکہ شہریوں کو صحت بخش اور سرسبز ماحول فراہم کیا جاسکے۔  
     
     
   
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard