Home  
    Administrator  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  سینئر ڈائریکٹر محکمہ ویٹرنری بلدیہ عظمیٰ کراچی کو ہدایت کی ہے کہ جہاں بھی غیرقانونی ذبیحہ ہو رہا ہے وہاں فوری کارروائی کریں-  
     
  09-Oct-2020  
     
   
     
  ایڈمنسٹریٹر کراچی افتخار علی شالوانی نے شہر کے مختلف علاقوں میں جانوروں کے غیرقانونی ذبیحہ اور اس کا گوشت فروخت کرنے کا نوٹس لیتے ہوئے سینئر ڈائریکٹر محکمہ ویٹرنری بلدیہ عظمیٰ کراچی کو ہدایت کی ہے کہ جہاں بھی غیرقانونی ذبیحہ ہو رہا ہے وہاں فوری کارروائی کریں اور اس بات کو یقینی بنایا جائے کہ صرف قانونی طریقے سے ہی ذبحہ کئے جانے والے جانوروں کا گوشت شہریوں کے استعمال کے لئے فروخت ہو، شہریوں کی صحت کی حفاظت اولین ترجیح ہے لہٰذا اس سلسلے میں تمام ضروری اقدامات عمل میں لائے جائیںجس میں مختلف علاقوں میں واقع گوشت کی دکانوں اور مارکیٹوں کی مکمل نگرانی کی جائے اور ایسا نظام بنایا جائے کہ اگر کہیں بھی گوشت کی فروخت کے لئے غیرقانونی طور پر جانوروں کو ذبحہ کیا جا رہا ہے اور ان پر جعلی مہر بھی لگائی جا رہی ہے تو اس کا فوری سدباب ہوسکے اور شہریوں کو ایسے گوشت سے محفوظ رکھا جاسکے، بلدیہ عظمیٰ کراچی اس سلسلے میں اپنی ذمہ داری کو پورا کرے گی اور کسی کو بھی غیرقانونی سلاٹرنگ کی اجازت نہیں دی جائے گی، دریں اثناء ایڈمنسٹریٹر کراچی کی ہدایت پر محکمہ ویٹرنری بلدیہ عظمیٰ کراچی نے شہر میں کی جانے والی دو الگ الگ کارروائیوں میں غیرقانونی ذبیحہ کا 212 کلو گرام اور72 کلو گرام آٹھ بکروں کا گوشت ضبط کرلیا اور لیگل سلاٹرنگ کی جعلی مہر بھی برآمد کرلی، ضبط کیا گیا تمام گوشت ڈائریکٹر زو کے پاس جمع کرا دیا گیا تاکہ جانوروں کو کھلایا جائے، غیرقانونی ذبیحہ کے گوشت کو ضبط کرنے کی ،پہلی کارروائی ابوالحسن اصفہانی روڈ گلشن اقبال پر سینئر ڈائریکٹر ویٹرنری جمیل فاروقی کی ہدایت پر اور ڈاکٹر اشفاق اور ڈاکٹر شفیق کی موجودگی میں کی گئی جبکہ دوسری کارروائی جس میں 212 کلو گرام ضبط کیا گیا دعا چوک اور 10 نمبر اورنگی ٹائون میں صبح چار بجے کی گئی ،سینئر ڈائریکٹر ویٹرنری جمیل فاروقی نے کہا ہے کہ شہر بھر میں جانوروں کے غیرقانونی ذبیحہ کے خلاف کارروائی تسلسل کے ساتھ جاری رہے گی اور جہاں بھی غیرقانونی طورپر ذبیحہ یا ایسا گوشت فروخت ہوگا اسے فوری ضبط کرلیا جائے گا، انہوں نے قصاب برادری سے کہا کہ وہ اپنے مفاد میں غیرقانونی ذبیحہ کے عمل سے باز آجائیں اور صرف قانونی طریقے سے جانوروں کو ذبحہ کریں بصورت دیگر ان کے خلاف قانونی کارروائی عمل میں لائی جائے گی۔  
     
     
   
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard