Home  
    Administrator  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  ایڈمنسٹریٹر وکمشنر کراچی افتخار شالوانی نے کہا ہے کہ ٹرام پروجیکٹ ترکی اور پاکستان کے تعلقات کو مزید مضبوط کرے گا-  
     
  10-Nov-2020  
     
   
     
  ایڈمنسٹریٹر وکمشنر کراچی افتخار شالوانی نے کہا ہے کہ ٹرام پروجیکٹ ترکی اور پاکستان کے تعلقات کو مزید مضبوط کرے گا، ریل انجینئرنگ اور ٹرانسپورٹ مینجمنٹ کے شعبے میں ترکی نے بہت ترقی کی ہے، کراچی میں انفراسٹرکچر کو بہتر بنانے میں ترکی کے تعاون اور اشتراک کو قدر کی نگاہ سے دیکھتے ہیں، ان خیالات کا اظہار انہوں نے استنبول میں ترکی کی کمپنی Yapi Merkezi کے چیئرمین Mr.Basar Arioglu اور چیف آپریٹنگ آفیسر Mr.Aslam Uzun سے ملاقات اور Yapi Merkezi کے پروجیکٹس کے حوالے سے پیش کی گئی ڈیجیٹل پریزینٹیشن کے دوران کیا، اس موقع پر ڈائریکٹر جنرل پارکس کے ایم سی طٰحہ سلیم اور سینئر ڈائریکٹر میونسپل سروسز سید صلاح الدین بھی موجود تھے، کمپنی کے چیئرمین اور سی ای او نے کراچی کے لئے ٹرام پروجیکٹ پر عملدرآمد میں اپنے بھرپور تعاون کا یقین دلایا اور کہا کہ پاکستان کے سب سے بڑے شہر کراچی میں ٹرانسپورٹ اور روڈ انفراسٹرکچر کی ترقی میں تعاون باعث فخر ہوگا، انہوں نے بتایا کہ Yapi Merkezi 1965 میں قائم ہوئی اور ایک انٹرنیشنل کمپنی کے طور پر ریل انجینئرنگ، ڈیرائن، مینوفیکچرنگ اور تعمیرات کے شعبے میں مہارت رکھتی ہے، اس کے علاوہ الیکٹریفیکیشن، سگنلنگ، اربن ماس ٹرانزٹ سسٹم اور ٹیلی کمیونیکیشن سسٹمز کی تیاری و تنصیب کا بھی انہیں وسیع تجربہ ہے، Yapi Merkezi کی شاخیں متحدہ عرب امارات، قطر، سعودی عرب، الجزائر، مراکش، ایتھوپیا اور تنزانیہ میں موجود ہیں اور اسے ریل سسٹمز کے حوالے سے ایک عالمی برانڈ تسلیم کیا جاتا ہے،ایڈمنسٹریٹر کراچی افتخار شالوانی نے کہا کہ دنیا بھر میں میٹروپولیٹن سٹیز کو آبادی میں مسلسل اضافے اور دیگر مسائل کی وجہ سے دبائو کا سامنا ہے ، خاص طور پر ٹرانسپورٹ کے شعبے میں نئی ٹیکنالوجی استعمال کی جا رہی ہے جس کے مثبت نتائج سامنے آرہے ہیں، ترقی یافتہ ممالک کی طرح ترقی پذیر ممالک بھی اسی روش پر گامزن ہیں اور جدید ٹیکنالوجی کے ذریعے اپنے روڈ اور ٹرانسپورٹ انفراسٹرکچر کو ترقی دینا چاہتے ہیں، اس حوالے سے ترکی اور پاکستان کے مابین تعاون کی بہترین مثال قائم ہوئی ہے اور ہم امید کرتے ہیں یہ سلسلہ مزید آگے بڑھے گا اور ترکی کے تعاون سے کراچی میں ٹرام سروس کے آغاز میں مدد ملے گی۔  
     
     
 
News Photo Gallery
 
 
 
 
 
 
 
 
 

 
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard