Home  
    Administrator  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    SLGO 2013  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  کمشنر و ایڈمنسٹریٹر کراچی افتخار شالوانی نے ہاکس بے پر واقع بلدیہ عظمیٰ کراچی کی تمام ہٹس کے الاٹمنٹ آرڈرز منسوخ-  
     
  30-Nov-2020  
     
   
     
  کمشنر و ایڈمنسٹریٹر کراچی افتخار شالوانی نے ہاکس بے پر واقع بلدیہ عظمیٰ کراچی کی تمام ہٹس کے الاٹمنٹ آرڈرز منسوخ کرکے محکمہ لینڈ کو ہٹس کا قبضہ حاصل کرنے اور سالانہ کرایہ ادا نہ کرنے والے الاٹیز کے خلاف فوری قانونی کارروائی کرنے کی ہدایت کی ہے جس پر تمام الاٹیز کو محکمہ لینڈ نے فوری طور پر نوٹسز جاری کردیئے ہیں، ایڈمنسٹریٹر کراچی نے کہا ہے کہ ہاکس بے پر کے ایم سی کی 254 ہٹس ہیں جنہیں تین سال کے لئے الاٹ کیا جاتا تھا، آئندہ ہاکس بے پر تمام ہٹس کی جگہوں کو موجودہ مارکیٹ ویلیو کے حساب سے نیلام کیا جائے جس سے کے ایم سی کے ریونیو میں اضافہ ہوگا،انہوں نے کہا کہ اس اقدام کا مقصد کے ایم سی کے اثاثوں کا بہتر استعمال اور ادارے کے ریونیو میں اضافہ کرنا ہے تاکہ شہریوں کو بہتر بلدیاتی سہولیات مہیا کی جاسکیں، انہوں نے کہا کہ ہاکس بے پر ماضی میں یہ ہٹس جن ریٹس پر الاٹ کی گئیں ان میں وقت گزرنے کے ساتھ اضافہ کرنا ناگزیر تھا تاکہ انہیں موجودہ مارکیٹ ویلیو سے ہم آہنگ کیا جاسکے، انہوں نے محکمہ لینڈ کو ہدایت کی کہ ہاکس بے پر واقع تمام ہٹس کی الاٹمنٹ اور کرائے کی وصولی کے معاملات کو شفاف اور بہتر بنایا جائے اور ایسی حکمت عملی وضع کی جائے جس سے شہر کو فائدہ پہنچے، ہٹس کی نیلامی اور الاٹمنٹ کے عمل کا مستقل طور پر جائزہ لیا جائے اور جہاں ضروری ہو اس میں ردوبدل کیا جائے ، ایڈمنسٹریٹر کراچی افتخار شالوانی نے کہا کہ ہاکس بے کے ساحل پر واقع ہٹس شہریوں کو تفریحی سہولیات فراہم کرنے کا ذریعہ ہیں اور بلدیاتی ادارہ ہونے کے ناطے یہ کے ایم سی کی ذمہ داری ہے کہ ان سہولیات کو بہتر سے بہتر کرنے کے لئے اقدامات کئے جائیں۔  
     
     
   
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard