Home  
    Administrator  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    SLGO 2013  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  میٹروپولیٹن کمشنر افضل زیدی نے کہا ہے کہ طبی لحاظ سے سبزیوں کی افادیت مسلّمہ ہے، گھریلو پیمانے پر سبزیوں کی کاشت ایک بہت عمدہ کوشش ہے-  
     
  02-Jan-2021  
     
   
     
  میٹروپولیٹن کمشنر افضل زیدی نے کہا ہے کہ طبی لحاظ سے سبزیوں کی افادیت مسلّمہ ہے، گھریلو پیمانے پر سبزیوں کی کاشت ایک بہت عمدہ کوشش ہے، باغبانی کو فروغ دینے کے لئے بلدیہ عظمیٰ کراچی کے مختلف باغات میں آگہی پروگراموں/ ورکشاپ کا انعقاد خوش آئند امر ہے اس طرح عام لوگ اپنے گھر اور ارد گرد کے ماحول کو بہتر بنانے کے لئے معلومات حاصل کرسکتے ہیں، سبزیاں اپنی غذائی اور طبی اہمیت کی وجہ سے ’’حفاظتی خوراک‘‘ کے نام سے منسوب کی جاتی ہیں جن میں صحت کو برقرار رکھنے اور جسم کی بہتر نشونما کے لئے تمام ضروری اجزاء موجود ہوتے ہیں جو دیگر غذائی اجناس میں کم مقدار میں ملتے ہیں، ان خیالات کا اظہار انہوں نے جھیل پارک میں ’’ بھاجی ٹیبل گارڈن اینڈ کمپوسٹ ورکشاپ‘‘ (گھرمیںسبزیوں اور کھاد کی باغبانی ) کے حوالے سے بلدیہ عظمیٰ کراچی کے محکمہ پارکس اینڈ ہارٹی کلچر کے زیر اہتمام منعقدہ ورکشاپ سے بحیثیت مہمان خصوصی خطاب کرتے ہوئے کیا، اس موقع پر ڈائریکٹر جنرل پارکس اینڈ ہارٹی کلچر طحہ سلیم سمیت ماہر ماحولیات توفیق پاشا، نور الہدٰی دائود پوتا اور انوشا فاطمہ نے بھی اظہار خیال کیا، ورکشاپ میں جھیل پارک کے اطراف رہنے والے رہائشیوں نے خصوصی طور پر شرکت کی اور ورکشاپ کے انعقاد کو بلدیہ عظمیٰ کراچی کا عمدہ اقدام قرار دیا، میٹروپولیٹن کمشنر افضل زیدی نے اپنے خطاب میں مزید کہا کہ اس طرح کی سرگرمیوں سے ہم سب مشترکہ طور پر ماحول کی بہتری کے لئے کام کرسکتے ہیں، کچن گارڈننگ کے بہت سے فائدے ہیں جس کا بڑا فائدہ تو یہ ہے کہ کچرے کو کھاد بنا کر گھریلو باغبانی کے لئے استعمال کیاجاسکتا ہے اس طرح کچرے کو گھر میں جمع کرنے اور باہر پھینکنے کی ضرورت نہیں ہوتی، ضرورت اس امر کی ہے کہ ہم اپنے تمام وسائل بروئے کار لاتے ہوئے سبزیوں کی پیدوار میں ممکنہ حد تک اضافہ کریں تاکہ ان سبزیوں کی بدولت غذائیت کی کمی کو بھی دور کیا جاسکے، انہوں نے کہا کہ گھریلو باغیچہ میں تھوڑی سی محنت اور توجہ کے ساتھ نہ صرف یہ کہ تازہ اور زہریلی ادویات سے پاک سبزی پیدا کی جاسکتی ہے بلکہ یہ مشغلہ اخراجات کو بھی کم کرنے کا اچھا ذریعہ ثابت ہوسکتا ہے، انہوں نے کہا کہ باہر سے جو سبزیاں خریدی جارہی ہیں ان کے بارے میں یہ بات یقین سے نہیں کہی جاسکتی کہ وہ ان کی نشونما کے لئے کس طرح کے پانی کو استعمال کیا گیا ہے، قبل ازیں ڈائریکٹر جنرل پارکس اینڈ ہارٹی کلچر طحہ سلیم نے کہا کہ بلدیہ عظمیٰ کراچی کی جانب سے گھریلو باغبانی کو فروغ دینے کے لئے جھیل پارک میں یہ تیسری ورکشاپ منعقد کی گئی ہے اس سے پہلے دو ورکشاپ منعقد کی جاچکی ہیں انہوں نے کہا کہ بلدیہ عظمیٰ کراچی کے ا س اقدام کو عام شہریوں نے بہت سراہا ہے اور اس خواہش کا اظہار کیا ہے کہ گھریلو باغبانی کے کاموں کی آگہی کے لئے محکمہ پارکس اینڈ ہارٹی کلچر آئندہ بھی اس طرح کا پروگرام منعقد کرتا رہے، ورکشاپ سے خطاب کرتے ہوئے ماہر ماحولیات توفیق پاشا نے کہا کہ سبزیوں کی کاشت کے لئے زمین کا بالائی حصہ 9 تا 12 انچ تک انتہائی اہمیت کا حامل ہوتا ہے چونکہ اسی حصہ سے پودے نے خوراک اور پانی حاصل کرنا ہوتا ہے انہوں نے کہا کہ سخت اور چکنی مٹی والی زمین پر بھی ریت اور کھاد وافر مقدار میں ملاکر قابل کاشت بنائی جاسکتی ہے۔  
     
     
   
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard