ایڈمنسٹریٹر کراچی لئیق احمد نے تمام لیز کے کیسز کو فوری طور پر روکتے ہوئے تاحکم ثانی پابندی عائد کر دی ہے-
	05-Jan-2021
	ایڈمنسٹریٹر کراچی لئیق احمد نے کچی آبادی ڈپارٹمنٹ کے ایم سی اورنگی ٹاؤن شپ پروجیکٹ اور لینڈ (لیز)ڈپارٹمنٹ کے ایم سی کے متعلق ایسے تمام لیز کے کیسز کو فوری طور پر روکتے ہوئے تاحکم ثانی پابندی عائد کر دی ہے جن میں متعلقہ قواعد و ضوابط اور طریقہ کار کو اختیار نہیں کیا گیا،ایڈمنسٹریٹر کراچی نے کہا کہ یہ انتہائی تشویش ناک امر ہے کہ بلدیہ عظمیٰ کراچی کے متعدد لینڈ (لیز) کیسز مقررہ طریقہ کار کو اختیار کیے بغیر ہی متعلقہ اداروں یعنی سب رجسٹرار کو بھیج دیے گئے ہیں جس کی کسی صورت اجازت نہیں دی جاسکتی لہٰذا بلدیہ عظمیٰ کراچی کے محکمہ کچی آبادی اورنگی ٹاؤن شپ او ر محکمہ اراضیات سے متعلق ایسے تمام لیز کیسز کو آگے جانے سے روک دیا گیا ہے اور ان پر فوری طور پر پابندی عائد کی گئی ہے تاکہ کے ایم سی کی اراضی کے لیز سے متعلق معاملات کو قانونی دائرے میں لایا جا سکے، انہوں نے افسران کو ہدایت کی کہ اس حوالے سے جاری ہونے والی ہدایات کی تعمیل یقینی بنائی جائے اور لیز کے معاملات میں قواعد و ضوابط پر سختی سے عمل درآمد کیا جائے۔