بلدیہ عظمیٰ کراچی کے ترجمان علی حسن ساجد نے سوشل میڈیا میں پھیلائی جانے والی افواہوں کی تردید کرتے ہوئے کہا ہے کہ سفاری پارک میں موجود ہتھنی ملکہ کی صحت تسلی بخش ہے-
	25-Jan-2021
	بلدیہ عظمیٰ کراچی کے ترجمان علی حسن ساجد نے سفاری پارک میں موجود ہتھنی ملکہ کی صحت کے حوالے سے سوشل میڈیا میں پھیلائی جانے والی افواہوں کی تردید کرتے ہوئے کہا ہے کہ سفاری پارک میں موجود ہتھنی ملکہ کی صحت تسلی بخش ہے اور سوشل میڈیا پر ہتھنی ملکہ کے حوالے سے چلنے والی ویڈیو حقائق کے منافی اور پرانی ہے، ترجمان نے مزید کہا ہے کہ سردی کی وجہ سے ہتھنی ملکہ کا ایک پاؤں خشکی سے پھٹ گیا تھا جو معمول کی بات ہے، کے ایم سی کے ویٹرنری ڈاکٹر باقاعدگی سے ہتھنی ملکہ کا معائنہ کررہے ہیں اور انہوں نے ہتھنی کی صحت کو تسلی بخش قرار دیا ہے، ترجمان نے تنبیہ کی ہے کہ سوشل میڈیا پر بغیر تصدیق کے دانستہ ایسی پوسٹیں ڈالنے والے افراد اس عمل سے باز رہیں بصورت دیگر اس کے ذمہ دا روں کے خلاف بلدیہ عظمیٰ کراچی قانونی کارروائی عمل میں لا سکتی ہے۔