ایڈمنسٹریٹر کراچی لئیق احمد نے بلدیہ عظمیٰ کراچی کے محکمہ جاتی سربراہان کو ہدایت کی ہے کہ اپنے متعلقہ اسٹاف کی دفتر میں بر وقت حاضری کو یقینی بنائیں-
	26-Jan-2021
	ایڈمنسٹریٹر کراچی لئیق احمد نے بلدیہ عظمیٰ کراچی کے محکمہ جاتی سربراہان کو ہدایت کی ہے کہ اپنے متعلقہ اسٹاف کی دفتر میں بر وقت حاضری کو یقینی بنائیں افسران و دیگر عملے کی حاضری چیک کرنے کے لئے اچانک کسی بھی محکمے کا دورہ کیا جاسکتا ہے، انہوں نے کہا کہ کے ایم سی ملازمین وقت پردفتر آئیں اور وقت پر ہی دفتر سے جائیں، اس سلسلے میں کسی بھی غفلت یا لا پرواہی کے مرتکب ملازم اور افسران کے خلاف سخت تادیبی کارروائی کی جائے گی، انہوں نے کہا کہ افسران اور ماتحت عملے کی طرف سے دیر سے آنا اور جلد دفتر سے چلے جانے کے معمول کو برداشت نہیں کیا جاسکتا کیونکہ اس سے کے ایم سی کے محکموں کی کارکردگی پر اثر پڑرہا ہے اور عوام الناس کے ساتھ دیگر سرکاری محکموں اور اداروں کی نظر میں بلدیہ عظمیٰ کراچی کا برا تاثر قائم ہورہا ہے لہٰذا تمام ڈائریکٹرز خود بھی دفتری اوقات کی سختی سے پابندی کریں اور اپنے ماتحت عملے کو بھی اس کا پابند بنائیں تاکہ جس افسر یا ملازم کی جو بھی ذمہ داری ہے اسے بہتر طریقے سے نبھاسکے اور شہری خدمات کے حوالے سے بلدیہ عظمیٰ کراچی کارکردگی میں اضافہ ہو انہوں نے کہا کہ شہریوں کو بہتر بلدیاتی خدمات فراہم کرنا اولین ترجیح ہے جس کے لئے ادارے کے ہر فرد کو اپنی ڈیوٹی مکمل ایمانداری سے انجام دینا ہوگی۔