ایڈمنسٹریٹر کراچی لئیق احمد نے بلدیہ عظمیٰ کراچی کی تمام سرکاری اور سروسز گاڑیوں اور ایندھن سے چلنے والے آلات و مشینری کی فزیکل ویری فیکیشن کے لئے پانچ رکنی کمیٹی تشکیل دی ہے-
	29-Jan-2021
	ایڈمنسٹریٹر کراچی لئیق احمد نے بلدیہ عظمیٰ کراچی کی تمام سرکاری اور سروسز گاڑیوں اور ایندھن سے چلنے والے آلات و مشینری کی فزیکل ویری فیکیشن کے لئے پانچ رکنی کمیٹی تشکیل دی ہے جس کے چیئرمین سپرنٹنڈنٹ انجینئرانیس احمد خان ہوں گے جبکہ دیگر ممبران میں ڈائریکٹر سٹی وارڈن راجہ رستم، ایڈیشنل ڈائریکٹر فنانس اینڈ اکائونٹس علی انور زیدی، ایڈیشنل ڈائریکٹر پی او ایل اسٹور ڈپارٹمنٹ محمد عثمان اور ڈپٹی ڈائریکٹر اسٹور اینڈ پروکیورمنٹ خالد مجید خان شامل ہیں، فزیکل ویری فیکیشن 10 فروری سے 24 مارچ 2021 ء تک کی جائے گی جس کے دوران بلدیہ عظمیٰ کراچی کی تمام گاڑیوں اور ایندھن پر مبنی مشینری و آلات کی موجودگی کی تصدیق کے ایم سی اسپورٹس کمپلیکس کشمیر روڈ کراچی میں کی جائے گی جبکہ ایسی تمام گاڑیاں جو زیر استعمال نہیں ہیں سٹی وارڈن ہیڈ کوارٹر میں جمع کرائی جائیں گی اور ڈائریکٹر سٹی وارڈن بلدیہ عظمیٰ کراچی ایسی ناکارہ اور ناقابل استعمال گاڑیوں کو رکھنے اور ان کی حفاظت کا انتظام کریں گے ، گاڑیوں اور مشینری کا تصدیقی عمل مکمل ہونے کے بعد کمیٹی کی جانب سے الاٹیز کو تصدیق کی گئی گاڑیوں کے لئے سرٹیفکیٹ جاری کیا جائے گا، تصدیقی عمل کے دوران گاڑی کے الاٹی کو اپنی گاڑی خود یا اپنے سرکاری ڈرائیور کے ذریعے اپنی تنخواہی سلپ، شناختی کارڈ، ایلیوکیشن آرڈر اور ایک تصویر سمیت ویری فیکیشن کمیٹی کے سامنے پیش کرنا ہوگی، فزیکل ویری فیکیشن کے لئے جاری کردہ شیڈول کے مطابق ایڈمنسٹریٹر سیکریٹریٹ کی گاڑیاں 10 اور 11 فروری ، ڈپٹی میئر سیکریٹریٹ کی گاڑیاں10 اور 11 فروری،میٹروپولیٹن کمشنر سیکریٹریٹ کی گاڑیاں10 اور 11 فروری، اسٹور اینڈ پروکیورمنٹ12 فروری، فنانس اینڈ اکائونٹس15 تا 17 فروری، میونسپل سروسز کی گاڑیاں 18 تا 22 فروری،میونسپل سروسز ایم پی ڈی اور ایم پی ایچ 23 فروری، کلچر اینڈ اسپورٹس 24 ، 25 فروری، ریکریشن ڈپارٹمنٹ 25 ،26 فروری،کونسل سیکریٹریٹ اور چارجڈ پارکنگ یکم مارچ، انجینئرنگ ڈپارٹمنٹ2 اور 3 مارچ، ایچ آر ایم 4 اور 5 مارچ، کچی آبادی8 مارچ، لینڈ اینٹی انکروچمنٹ اور اسٹیٹ ڈپارٹمنٹ9 اور 10 مارچ، لینڈ مینجمنٹ 11 اور 12 مارچ، انفارمیشن ٹیکنالوجی 12 مارچ ، پارکس اینڈ ہارٹیکلچر 15 مارچ، میڈیا مینجمنٹ 16 مارچ، میڈیکل اینڈ ہیلتھ ڈپارٹمنٹ 17 تا 19 مارچ، محکمہ قانون22 مارچ، محکمہ ویٹرنری ، ای اینڈ آئی پی، پرنٹنگ پریس، ایم یو سی ٹی ڈپارٹمنٹ اور پی ڈی اورنگی 24 مارچ 2021 ء کو ویری فیکیشن کمیٹی کے سامنے پیش کی جائیں گی۔