بلدیہ عظمیٰ کراچی کے محکمہ پارکس اینڈ ہارٹیکلچر نے 17 فروری سے کراچی میں شجر کاری مہم شروع کرنے کا فیصلہ کیا ہے
	12-Feb-2021
	بلدیہ عظمیٰ کراچی کے محکمہ پارکس اینڈ ہارٹیکلچر نے 17 فروری سے کراچی میں شجر کاری مہم شروع کرنے کا فیصلہ کیا ہے اس مہم کے دوران کراچی کے مختلف علاقوں میں ایک لاکھ سے زائد پودے لگائے جائیں گے جبکہ اس مہم میں مختلف سماجی اور فلاحی تنظیمیں، سول سوسائٹی کے اراکین، معززین شہر بھی کے ایم سی کے ساتھ حصہ لے رہے ہیں، پودے لگانے کے بعد 4ماہ تک ان کی آبیاری کی ذمہ داری بھی سول سوسائٹی اور مختلف سماجی و فلاحی تنظیموں کے سپرد کی جائے گی تاکہ یہ پودے زمین میں مستحکم ہوسکیں، ایڈمنسٹریٹر کراچی لئیق احمد نے محکمہ پارکس اینڈ ہارٹیکلچر کو ہدایت کی ہے کہ ایسے علاقوں کو ترجیح دی جائے جہاں ماحولیاتی آلودگی زیادہ ہے جبکہ کراچی کے کم ترقی یافتہ علاقوں میں بھی ترجیحی بنیاد پر یہ شجر کاری مہم چلائی جائے گی۔