Home  
    Mayor  
    Deputy Mayor  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  میئر کراچی وسیم اختر کی ہدایت پر محکمہ انسداد تجاوزات نے نارتھ کراچی میں محمد شاہ قبرستان ، یاسین آبادقبرستان، النور قبرستان اور صادق آباد قبرستان کی چار دیواری کے اطراف قائم مختلف تجاوزات کا خاتمہ کردیا-  
     
  11-May-2017  
     
   
     
  شب برأت کے موقع پر قبرستانوں میں اپنے عزیز و اقارب کی قبروں پر فاتحہ کے لئے جانے والے شہریوں کو سہولت فراہم کرنے کے لئے میئر کراچی وسیم اختر کی ہدایت پر محکمہ انسداد تجاوزات نے نارتھ کراچی میں محمد شاہ قبرستان ، یاسین آبادقبرستان، النور قبرستان اور صادق آباد قبرستان کی چار دیواری کے اطراف قائم مختلف تجاوزات کا خاتمہ کردیا جس میں بڑی تعداد میں پتھارے، ٹی اسٹال، کیبن اور دیگر تجاوزات شامل تھیں جس کے نتیجے میں قبرستانوں میں آنے والے زائرین کو آمدورفت میں آسانی ہوئی اور قبرستانوں کے اطراف تجاوزات کی موجودگی کے باعث ٹریفک جام اور دیگر مسائل میں خاطر خواہ کمی واقع ہوئی۔ دریں اثناء محکمہ انسداد تجاوزات بلدیہ عظمیٰ کراچی نے شہر کے دیگر علاقوں میں بھی تجاوزات کے خلاف اپنی کارروائی کو جاری رکھتے ہوئے اور میئر کراچی وسیم اختر کی ہدایت پر محکمہ انسداد تجاوزات بلدیہ عظمیٰ کراچی نے شہر میں تجاوزات کے خلاف مہم کو مزید تیز کرتے ہوئے گلشن اقبال ، شاہراہ پاکستان اور دیگر علاقوں میں تجاوزات کے خلاف بھر پور کارروائی جاری رکھی، تفصیلات کے مطابق گلشن اقبال رب میڈیکل سینٹرتا سرسید کالج یونیورسٹی تک راشد منہاس روڈ اور نیپا چورنگی کی اطراف کی گلیوں ،سڑک اور فٹ پاتھ پر قائم تجاوزات بشمول ٹھیلے، پتھارے، گنے کے جوس کی مشینیں، پان کے کیبنز، لوہے کے کائونٹر، اسٹیل کے چولہے، پنکچر کا سامان اور دیگر تجاوزات کو ہٹا دیا جس سے سڑک پر ٹریفک کی روانی بہتر ہوگئی۔ اس آپریشن کی نگرانی سینئر ڈائریکٹر انسداد تجاوزات نذیر لاکھانی نے کی جبکہ ایڈیشنل ڈائریکٹر بشیر صدیقی، ایڈیشنل ڈائریکٹر اقبال پرویز، ڈپٹی ڈائریکٹر مسرور اقبال، محمد یونس، محمود صدیقی، ریحان صدیقی اور دیگر افسران بھی اس موقع پر موجود تھے، تجاوزات کے خلاف آپریشن کے دوران شہریوں کی ایک بڑی تعداد موقع پر جمع ہوگئی انہوں نے اس آپریشن کو سراہا اور اس بات پر اطمینان کا اظہار کیا کہ اس کارروائی کے بعد یہاں پیدل چلنے والوں اور ٹریفک کے لئے خاصی بہتری آگئی ہے۔ آپریشن کے اختتام پر ضبط شدہ سامان کے ایم سی اسٹور میں جمع کرادیا گیا۔  
     
     
   
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard