Home  
    Mayor  
    Deputy Mayor  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  بلدیہ عظمیٰ کراچی کے میونسپل کمشنر حنیف محمد مرچی والا نے کہا ہے کہ افسران و ملازمین کی ترقیوں اور تعیناتی کے لئے اہلیت اور قابلیت کو معیار بنایا جائے-  
     
  06-Jul-2017  
     
   
     
  بلدیہ عظمیٰ کراچی کے میونسپل کمشنر حنیف محمد مرچی والا نے کہا ہے کہ افسران و ملازمین کی ترقیوں اور تعیناتی کے لئے اہلیت اور قابلیت کو معیار بنایا جائے اور دوران ملازمت افسران کی پیشہ ورانہ تربیت پر بھرپور توجہ دی جائے تاکہ ان کی صلاحیتوں میں اضافہ کیا جاسکے، کے ایم سی کے افسران و ملازمین کی ترقیوں کے لئے ڈپارٹمنٹل پروموشن کمیٹی قائم کردی گئی ہے اور کوشش کی جائے گی کہ ترقی اور تعیناتیوں میں کسی کی حق تلفی نہ ہو، یہ بات انہوں نے سم میں موثر فائلنگ نظام کے موضوع پر منعقدہ ایک روزہ ورکشاپ سے مہمان خصوصی کی حیثیت سے خطاب کرتے ہوئے کہی، سینئر ڈائریکٹر ویلفیئر عبدالجبار بھٹی، ڈائریکٹر ہیومن ریسورس مینجمنٹ عبدالرشید اور دیگر افسران بھی اس موقع پر موجود تھے، انہوں نے کہا کہ افسران و ملازمین اپنے اپنے کاموں میں قابلیت اور مہارت حاصل کریں اور کاموں پر عبور پانے کے لئے اپنی توانائیاں صرف کریں تاکہ آپ کو آگے بڑھنے کا موقع میسر آئے، انہوں نے کہاکہ آپ کے نظریات کچھ بھی ہوں یا کسی بھی سیاسی پارٹی سے آپ کی ہمدردی ہواسے شہر اور شہریوں کی خدمت میں رکاوٹ نہ بننے دیں ایک اچھے سرکاری افسر کا کام بلاامتیاز و تفریق و رنگ و نسل عوام کی خدمت ہے، انہوں نے کہا کہ افسران و ملازمین وقت کی پابندی کے ساتھ دفتر آئیں اور اپنے سینئر افسران کے ساتھ مل کر مسائل حل کرنے کی بھرپور کوشش کریں، انہوں نے کہا کہ اردو ہماری سرکاری زبان ہے لیکن اردو کے ساتھ ساتھ انگریزی سیکھنے پر بھی توجہ دیں تاکہ سرکاری فائلوں پر دفتری کارروائی پر عبور ہوسکے، انہوں نے کہا کہ بنیاد مضبوط ہوگی تو ترقی کی شاہراہ پر دوڑنا اتنا ہی آسان ہوگا،انہوں نے کہا کہ عملی تربیت انسان کی صلاحیتوں کو مزید نکھار دیتی ہے اور ان میں توانائی پیدا کرتی ہے، دنیا کے ترقی یافتہ ممالک میں تعلیم کے ساتھ تربیت کو بھی فوقیت دی جاتی ہے، قبل ازیں سم کے کنسلٹنٹ سید نصرت علی نے بتایا کہ اس ادارے کے زیر اہتمام 7 ہزار 500 افسران و ملازمین کو تربیت فراہم کی جاچکی ہے جبکہ 250 ورکشاپ منعقد کرکے منتخب ممبران اور سرکاری افسران کو تربیت کے مراحل سے گزارا جاچکا ہے ، سم کے ڈائریکٹر شاہد نے مہمان کا شکریہ ادا کیااور آخر میں شرکاء میں اسناد تقسیم کی گئیں۔  
     
     
   
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard