Home  
    Mayor  
    Deputy Mayor  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  میئرکراچی وسیم اختر نے کہا ہے کہ فٹ بال کے عالمی شہرت یافتہ کھلاڑیوں کی کراچی آمد نے شہر کی رونقوں میں اضافہ کیا ہے-  
     
  09-Jul-2017  
     
   
     
  میئرکراچی وسیم اختر نے کہا ہے کہ فٹ بال کے عالمی شہرت یافتہ کھلاڑیوں کی کراچی آمد نے شہر کی رونقوں میں اضافہ کیا ہے اور کراچی کے ہاکی کلب میں نمائشی میچ کا انعقاد خوش آئند ہے یہ بات انہوں نے ہاکی کلب آف پاکستان میں پاکستان آئے ہوئے فٹ بال کے کھلاڑیوں کے نمائشی میچ کے موقع پر کہی، انہوں نے کہا کہ ایسی مثبت سرگرمیاں ملک میں مزید بین الاقوامی کھلاڑیوں کی آمد کی وجہ بنیں گی اور پاکستان کا سوفٹ امیج دنیا بھر میں جائے گا، انہوں نے کہا کہ عالمی کھلاڑیوں کو کراچی کے شہریوں نے بھرپور انداز میں خوش آمدید کہا ہے اور ان کی حوصلہ افزائی کی ہے، انہوں نے کہا کہ مستقبل قریب میں بھی کراچی میں ایسی مثبت سرگرمیوں کے انعقاد میں بھرپور معاونت فراہم کریں گے ، میئر کراچی وسیم اختر نے کہا کہ اس سے قبل انٹرنیشنل ریسلرکا ایک نمائشی میچ کے ایم سی کے تعاون سے منعقد کیا جا چکا ہے جس میں شہریوں نے بڑی تعداد میں شرکت کی تھی، انہوں نے کہا کہ ایسی سرگرمیوں کو کراچی میں خوش آمدید کہیں گے اور ایسی سماجی تنظیموں اور آرگنائزرز سے بھرپور تعاون کریں گے انہوں نے کہا کہ کراچی پہلے بھی کھیلوں کا مرکز رہا ہے اور مستقبل میں ہم ایسی سرگرمیوں کو فروغ دیتے رہیں گے اس موقع پر میئر کراچی سے شائقین فٹ بال کی ایک بڑی تعداد نے ملاقات بھی کی اور کراچی میں کھیلوں کی سرگرمیوں کو فروغ دینے پر میئر کراچی کا شکریہ ادا کیا، میئر کراچی نے انہیں بتایا کہ انڈور گیم پر مشتمل کے ایم سی کا سمر کیمپ کا انعقاد کیا جا رہا ہے جن میں کراچی کے نوجوان اور بچے بھرپور طریقے سے شرکت کر رہے ہیں ، انہوں نے فٹ بال کے عالمی کھلاڑی رونالڈڈینیو اور رائن گگز کے کھیل اور پاکستان آنے کو سراہا۔انہوں نے کامیاب فٹ بال میچ کے انعقاد پر آرگنائزرز کو مبارکباد پیش کی۔  
     
     
   
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard