Home  
    Mayor  
    Deputy Mayor  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  میئر کراچی وسیم اختر نے کہا ہے کہ امراض قلب سے متاثرہ شہریوں کی فوری مدد کے لئے قومی ادارہ برائے امراض قلب کی کاوشیں قابل تحسین ہیں-  
     
  13-Jul-2017  
     
   
     
  میئر کراچی وسیم اختر نے کہا ہے کہ امراض قلب سے متاثرہ شہریوں کی فوری مدد کے لئے قومی ادارہ برائے امراض قلب کی کاوشیں قابل تحسین ہیں ، گلشن اقبال کے بعد گلبائی اور لیاری کے علاقے میںNICVD Outreach Chest Pain Unit کا قیام علاقہ مکینوں کے لئے خوشخبری ہے ، کوئی بھی کام مل کر کیا جائے تو اس کے نتائج اچھے نکلتے ہیں اس حوالے سے سول سوسائٹی حکومت سندھ اور بلدیاتی ادارے ایک پیج پر ہیں، فلاحی اداروں کی ایمبولینس سروسز کراچی میں انسانیت کی خدمت کر رہی ہیں میں ان سے کہوں گا کہ وہ قلب کے مریضوں کے لئے قائم کئے جانے والے ان یونٹس پر خصوصی توجہ دیں تاکہ ضرورت پڑنے پر مریضوں کو فوری طور پر یہاں لا کر انہیں ابتدائی طبی امداد فراہم کی جاسکے، یہ بات انہوں نے جمعرات کی صبح گلبائی برج کے نیچے قائم کئے جانے والے NICVD Outreach Chest Pain Unitکی افتتاحی تقریب سے خطاب کرتے ہوئے کہی جبکہ اس سے قبل میئر کراچی وسیم اختر اور ڈپٹی اسپیکر سندھ اسمبلی محترمہ شہلا رضا نے مشترکہ طور پر فیتہ کاٹ کر یونٹ کا افتتاح کیا ، اس موقع پر قومی ادارہ امراض قلب کے ایگزیکٹو ڈائریکٹر پروفیسر ڈاکٹر ندیم قمر، امین ہاشوانی اور دیگر بھی موجود تھے، میئر کراچی نے کہا کہ گلشن چورنگی فلائی اوور کے نیچے قائم ہونے والے پہلے NICVD Outreach Chest Pain Unitکی کامیابی کے بعد اس نیٹ ورک کو پورے شہر میں پھیلانے کی ضرورت ہے کیونکہ سینے میں درد اور دل کے دورے میں ابتدائی لمحات انتہائی اہم ہوتے ہیں اور کم سے کم وقت میں فوری طبی امداد مل جائے تو مریض کی جان بچائی جاسکتی ہے ، انہوں نے کہا کہ امراض قلب سے متاثرہ افراد کی تعداد مسلسل بڑھ رہی ہے جس کی مختلف وجوہات ہیں اور ہم سب کی یہ ذمہ داری ہے کہ ایک انسان کی جان بچانے کے لئے ہم سے جو بھی ممکن ہوسکتا ہے ضرور کریں، انہوں نے محکمہ میونسپل سروسز کو ہدایت کی کہ گلبائی برج کے نیچے جراثیم کش اسپرے کے لئے ٹیم بھیجیں تاکہ اطراف کے علاقے میں بہتر ماحول فراہم کیا جاسکے، انہوں نے کہا کہ کراچی کی ڈھائی کروڑ آبادی کے لئے اگر چہ یہ دو یونٹس ناکافی ہیں تاہم یہ ایک اچھی اور مثبت شروعات ہے جسے مزید وسعت دے کر انسانیت کی خدمت کا فریضہ انجام دیا جاسکتا ہے ، انہوں نے کہا کہ شہر میں مزید 6 مختلف مقامات پر یہ موبائل یونٹ قائم کرنے کا پلان بنایا گیا ہے جس کے لئے کراچی کے شہریوں کو قومی ادارہ برائے امراض قلب کا ممنون ہونا چاہئے۔  
     
     
 
News Photo Gallery
 
 
 
 
 
 
 

 
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard