Home  
    Mayor  
    Deputy Mayor  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  ڈپٹی میئر کراچی ڈاکٹر ارشد عبداللہ وہرہ نے کہا ہے کے ایم سی کی موجودہ بلدیاتی قیادت ملازمین کے مسائل حل کرنے میں سنجیدہ ہے ، خاص طور پر طبی اداروں کے عملے کو ان کے جائز حقوق دلوانے کے لئے تمام تر ممکنہ اقدامات کئے جارہے ہیں-  
     
  15-Jul-2017  
     
   
     
  ڈپٹی میئر کراچی ڈاکٹر ارشد عبداللہ وہرہ نے کہا ہے کے ایم سی کی موجودہ بلدیاتی قیادت ملازمین کے مسائل حل کرنے میں سنجیدہ ہے ، خاص طور پر طبی اداروں کے عملے کو ان کے جائز حقوق دلوانے کے لئے تمام تر ممکنہ اقدامات کئے جارہے ہیں ، کے ایم سی اسپتالوں کے پیرامیڈیکل اسٹاف کے تنخواہی اسکیل کی تنظیم نو( ری اسٹرکچرنگ) کا نوٹیفکیشن جاری کرنے کی منظوری دے دی ،کے ایم سی اسپتالوں میں تعینات 1611 ملازمین کو اسی ماہ سے سروس اسٹرکچر کے تحت نئے اسکیل کے مطابق تنخواہوں کی ادائیگی شروع ہو جائے گی ۔ یہ بات انہوں نے ہفتہ کے روز عباسی شہید اسپتال کے دورے کے موقع پر پیرامیڈیکل اسٹاف کے نمائندوں سے بات چیت کرتے ہوئے کہی ۔ اس موقع پر سٹی کونسل میں معالجات کمیٹی کی چیئرپرسن ناہید فاطمہ، سینئر ڈائریکٹر محمد علی عباسی،سینئرڈائریکٹر ہیومن ریسورس مینجمنٹ جمیل فاروقی، عباسی شہید اسپتال کے میڈیکل سپرنٹنڈنٹ ڈاکٹر محمد انور، ڈاکٹر حامد ، ڈاکٹر حنا مشتاق اور دیگر افسران بھی موجود تھے ۔ ڈپٹی میئرکراچی نے کہاکہ یہ ان ملازمین کا دیرینہ مسئلہ تھا جس کے لئے 2006 میں حکومت کا نوٹیفکیشن آگیا تھا اور کے ایم سی کے سوا دیگر سرکاری طبی ادارو ںمیں اس پر عملدرامد ہوگیاتھا تاہم کے ایم سی کا پیرامیڈیکل عملہ اس نوٹیفکیشن کے ثمرات سے محروم رہا تھا چنانچہ طریقہ کار کے مطابق حالیہ بجٹ سے قبل اس سلسلے میں ایک قرارداد کی منظوری سٹی کونسل نے دی تھی جس کی روشنی میں کے ایم سی کے پیرامیڈیکل اسٹاف کو تنخواہی اسکیل کی ری اسٹرکچرنگ کے مطابق تنخواہو ں کی فوری ادائیگی کے لئے پیر کے روز محکمہ ایچ آر ایم سے جاری کردیا جائے گا جبکہ ملازمین کے بقایاجات کی ادائیگی کے لئے سندھ حکومت سے رجوع کیا جائے گا تاکہ ان کی ادائیگی بھی جلد ممکن ہوسکے ۔ کے ایم سی اسپتالوں کے میڈیکل سپرنٹنڈنٹس کو بھی ہدایت کردی ہے کہ وہ پیرا میڈیکل اسٹاف کی اپ گریڈیشن سے متعلق شفاف اور درست فہرست جلد از جلد پیش کریں تاکہ اس عمل کو مکمل کرلیا جائے۔انہوں نے کہاکہ کہاکہ اگرچہ نوٹیفکیشن کی منظوری دی جاچکی تھی تاہم مالیاتی اور تیکنیکی وجوہات کے باعث اس میں تاخیر ہوئی لیکن ہم نے طے کرلیا تھا کہ ملازمین کو ان کا جائز حق ضرور دلوائیں گے اور آج ہمارے لئے خوشی کا دن ہے کہ پیرامیڈیکل اسٹاف کا دیرینہ مسئلہ حل ہوگیا ہے، ڈپٹی میئر کراچی نے اس موقع پر بڑی تعداد میں موجود پیرامیڈیکل ملازمین کو مبارکباد دیتے ہوئے یہ امید ظاہر کی کہ وہ زیادہ دلجمعی اور محنت کے ساتھ کے ایم سی کے طبی ادارو ں میں خدمات انجا م دیں گے اور ان کی کارکردگی سے بلدیہ کے اسپتالوں میں علاج معالجے کی سہولت میں مزید بہتری آئے گی جس کا فائدہ کراچی کے شہریوں کو ہوگا جو روزانہ بڑی تعداد میں کے ایم سی کے اسپتالوں میں علاج کے لئے آتے ہیں۔ پیرامیڈیکل اسٹاف نے اپنی تنخواہوں کا مسئلہ حل کرنے پر ڈپٹی میئر کراچی ڈاکٹر ارشد وہرہ کا شکریہ ادا کیا۔بعدازیں ایک اجلاس سے خطاب کرتے ہوئے ڈپٹی میئر کراچی نے عباسی شہید اسپتال میں صفائی ستھرائی کی صورتحال بہتر بنانے اور مریضوں کے علاج معالجے پر بھرپورتوجہ دینے اور مریضوں کوادویات کی فراہمی یقینی بنانے کی ضرورت پر زور دیا ، انہوںنے ہدایت کی کہ ادویات کی فراہمی کا نظام آسان بنایا جائے تاکہ ایمرجنسی میں آنے والے مریضوں کو تکلیف نہ اٹھانی پڑے ، انہوں نے اسپتال کے عملے کو ہدایت کی کہ وہ اپنا کام پوری ایمانداری اور خلوص نیت کے ساتھ انجام دیں کیونکہ یہ ان کے لئے صرف ملازمت نہیں بلکہ خدمت خلق بھی ہے ، ڈپٹی میئر کراچی نے عباسی شہید اسپتال کے سرجیکل آئی سی یو وارڈ میں مریضوں کی سہولت کے لئے فراہم کی گئی کلر ڈوپلر الٹراساؤنڈ مشین کا بھی معائنہ کیا اور اس کی کارکردگی کے متعلق معلومات حاصل کیں، انہوں نے سرجیکل آئی سی یو وارڈ میں زیر علاج مریضوں کو فراہم کی گئیں سہولیات کا بھی جائزہ لیا جہاں انہیں بتایا گیاکہ اس وقت یہاں 7 وینٹی لیٹر فعال ہیں جبکہ بقیہ مشینوں کو بھی بتدریج فعال بنایا جارہا ہے تاکہ زیادہ سے زیادہ مریضوں کو یہ سہولت مہیا کی جاسکے۔  
     
     
 
News Photo Gallery
 
 
 
 
 
 
 
 
 

 
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard