Home  
    Mayor  
    Deputy Mayor  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  میئر کراچی نے کراچی تاجر اتحاد کے نمائندوں سے کہا کہ بلدیہ عظمیٰ کراچی شہریوں کو بلدیاتی سہولیات کی فراہمی میں حائل رکاوٹوں کو دور کرنے کے لئے ہرممکن اقدامات کر رہی ہے-  
     
  24-Nov-2017  
     
   
     
  میئر کراچی وسیم اختر نے کہا ہے کہ کراچی کی تاجر برادری کے مسائل کو سمجھتے ہیں اور ان کے حل کے لئے ہرممکن اقدامات عمل میں لائے جا رہے ہیںکیونکہ تاجر برادری کا شہر کی ترقی و خوشحالی میں بنیادی کردار ہے ، عیدگاہ کے علاقے میں میرمحمد بلوچ پارک کے اطراف ہٹائی گئیں 118 دکانوں کے معاملے کا متعلقہ قوانین کی روشنی میں جائزہ لیں گے یہ بات انہوں نے کراچی تاجر اتحاد کے سربراہ عتیق میر کی قیادت میں جمعہ کے روز اپنے دفتر میں ملاقات کے لئے آنے والے چھ رکنی وفد سے بات چیت کرتے ہوئے کہی، اس موقع پر کراچی اتحاد کے سربراہ عتیق میر نے کہا کہ میرمحمد بلوچ پارک کے اطراف ہٹائی گئیں 118 دکانوں کے مالکان شدید مالی مسائل کا شکار ہیں ان دکانداروں میں سپریم کورٹ کے احکامات کی تعمیل میں اور شہر کے وسیع تر مفاد میں رضاکارانہ طور پر اپنی دکانیں خالی کردی تھیں تاہم اب وہ بے روزگار ہیں اور یہ چاہتے ہیں کہ انہیں کام کے لئے متبادل جگہ دی جائے یا بلوچ پارک کی بحالی کے بعد جو جگہ بچی ہے وہیں کچھ حصہ ان کے لئے مختص کیا جائے تاکہ وہ اپنے خاندانوں کی کفالت کرسکیں، میئر کراچی وسیم اختر نے کراچی تاجر اتحاد کے وفد کو یقین دلایا کہ وہ اس معاملے پر ہمدردانہ غور کریں گے اور جو بھی ممکن ہوا کیا جائے گا، انہوں نے بلوچ پارک کے اطراف توڑی گئیں دکانوں کے حوالے سے کے ایم سی کے محکمہ قانون اور محکمہ اسٹیٹ کو رپورٹ دینے کی ہدایت بھی کی تاکہ اس معاملے کا مکمل جائزہ لیا جائے، میئر کراچی نے کراچی تاجر اتحاد کے نمائندوں سے کہا کہ بلدیہ عظمیٰ کراچی شہریوں کو بلدیاتی سہولیات کی فراہمی میں حائل رکاوٹوں کو دور کرنے کے لئے ہرممکن اقدامات کر رہی ہے تاکہ رہائشی اور کاروباری علاقوں میں شہریوں اور تاجر برادری کو تجاوزات کی وجہ سے درپیش مسائل حل کئے جاسکیں، انہوں نے کہا کہ شہر میں صفائی ستھرائی کے لئے بھی تاجر برادری کا تعاون انتہائی اہمیت کا حامل ہے اور اس مقصد کے تحت مختلف علاقوں میں تاجروں اور دکانداروں میں کچرا رکھنے کے بیگز بھی تقسیم کئے جاچکے ہیں تاکہ دکانوں کے سامنے سڑکوں اور فٹ پاتھوں پر کچرا پھینکنے کے رجحان کا خاتمہ کیا جاسکے اور تاجر برادری کے تعاون سے شہر میں صفائی ستھرائی کی صورتحال بہتر بنائی جائے، انہوں نے کہا کہ شہریوں کو بہتر سہولیات کی فراہمی اولین ترجیح ہے اور بحیثیت شہری یہ ہم سب کی اولین ذمہ داری ہے کہ اپنے محلوں اور علاقوں کو صاف ستھرا رکھیں۔  
     
     
 
News Photo Gallery
 
 
 
 
 
 
 
 
 

 
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard