Home  
    Mayor  
    Deputy Mayor  
    Metropolitan Commissioner  
    Departments  
    KMC Directory  
    Photo Gallery  
    Video Gallery  
       
 
 
       
    Tender Information  
    KMC Function  
    Tenders  
    Grand Auctions  
    Section 144 CR.P.C  
    Notifications  
    KMC Resolution  
       
 
 
       
    Public Notice  
    Information  
    National Holidays  
    Prayer Timings  
    Archive  
       


 
 
 
 
     
  میئر کراچی وسیم اختر نے کہا ہے کہ آج شہر میں اگر امن ہے تو پیپلزپارٹی کو اس کا کریڈٹ نہیں لینا چاہئے کیونکہ یہ کریڈٹ رینجرز کا ہے-  
     
  07-May-2018  
     
   
     
  میئر کراچی وسیم اختر نے کہا ہے کہ آج شہر میں اگر امن ہے تو پیپلزپارٹی کو اس کا کریڈٹ نہیں لینا چاہئے کیونکہ یہ کریڈٹ رینجرز کا ہے جو میدان میں آکر دہشت گردوں اور امن دشمنوں سے لڑے، امن کمیٹی ، گینگ وار اور عزیر بلوچ کوکراچی کے لوگ نہیں بھولے جنہوں نے 90 فیصد شہر کو یرغمال بنارکھا تھا جب کراچی پر بدامنی کا راج تھا اور جمع کیا جانے والا بھتہ کہاں جا رہا تھا سب کو معلوم ہے ،جب کراچی آپریشن کافیصلہ ہوا تو تمام سیاسی پارٹیوں نے نہ صرف اس کی حمایت کی تھی بلکہ بھرپور تعاون کا یقین بھی دلایا تھا، یہ بات انہوں نے پیر کے روز قیوم آباد تا اقراء یونیورسٹی مین کیمپس روڈ کے تعمیراتی کاموں کے معائنے کے موقع پر میڈیا کے نمائندوں سے بات چیت کرتے ہوئے کہی،انہوں نے کہا کہ پیپلزپارٹی کراچی میں امن و امان کی بحالی کا کریڈٹ کس منہ سے لے رہی ہے ، پیپلز پارٹی کی ذیلی تنظیم امن کمیٹی اور عزیر بلوچ نے تو رینجرز کے لوگوں کو شہید تک کیا ہے اور لاتعداد مرتبہ قانون نافذ کرنے والے اہلکاروں پر حملے کئے ہیں اور انہیں فائرنگ کرکے شہید کیا ہے، پورا شہر جانتا ہے کہ کراچی میں 90 فیصد دہشت گردی امن کمیٹی اور گینگ وار میں شامل گروپ کی طرف سے کی گئی جس کے دوران نہتے اور بے گناہ شہریوں کو انتہائی سفاکی کے ساتھ شہید کیا گیا، گینگ وار اور عزیر بلوچ کے لوگ پورے شہر میں بھتے کی پرچیاں تقسیم کرکے بھتہ وصول کرتے تھے ، انہوں نے کہا کہ کراچی کے شہری جانتے ہیں کہ انہیںکس کو ووٹ ڈالنا ہے، 2018 ء کے الیکشن سب ثابت کردیں گے اور انتخابات کے نتیجے میں حق و باطل کا فیصلہ ہوجائے گا، انہوں نے کہا کہ کراچی کے لوگ شہر میں امن چاہتے ہیں اور وہ ہرگز ایسے عناصر کی پشت پناہی کرنے والوں کا ساتھ نہیں دیں گے جنہوں نے ماضی میں شہر کا امن برباد کیا اور بے قصور شہریوں کے خون سے ہولی کھیلتے رہے، انہوں نے کہا کہ تمام تر صورتحال کے باوجود ہم نے شہر میں ترقی و خوشحالی کے لئے شہریوں کے مسائل حل کرنے کا بیڑا اٹھایا ہے اور مکمل نیک نیتی کے ساتھ شروع ہونے والا یہ سفر جاری رہے گا ، ہم صرف سیاست ہی نہیں کر رہے بلکہ عوام کی خدمت بھی کر رہے ہیں ۔  
     
     
   
     
     

 

 

 

 

 
 
     
 

Copyright © 2011-2012 Karachi Metropolitan Corporation. All rights reserved.
The KMC will not be responsible for the content of external internet sites. / Login  / Webmail  / Webmail 2  / 1339 Executive Dashboard